Drake-a'n a album tlangzarh hun tur a sawn hla

Canadian rapper Drake chuan tun thla chhunga tlangzarh hman a tum  'Certified Lover Boy' album chu a tun thla chhungin a tlangzarh hman dawn lo tih Nilaini khan a sawi.

'Hotline Bling' hitmaker Drake chuan Instagram-ah hemi chungchang hi sawiin,:ka album hi tun thla chhung ngeia tlangzarh hman ka tum a, mahse inzai ka tawh avang leh rehab-ahte hun ka hman avangin inenkawl dam tura hun ka hman a ngai a ni.

"Ka kea ka ding leh thei hi malsawna a ni a, ka dinhmun a ṭha a, ka album atan pawh ka insawrbing mek. mahse CLB chu January-ah ka tichhuak dawn lo a ni. Kum 2021 chhung ngeia tihchhuah erawh ka tum a ni," tiin a IG story-ah a tarlang.

Drake hian tunhnai lawk khan Spotify-ah record thar a siam a, zaithiam zinga a hlate tluklehdingawn 50 stream nei tling hmasa ber a ni. 'Certified Lover Boy' hi a studio album parukna tur a ni a, nikum August thla khan he album-a mi "Laugh Now Cry Later" chu single-in a lo tichhuak tawh. OVO Sound leh Republic Records kaltlangin a album thar hi a tlangzarh ang.