‘Peaky Blinders’movie an siam dawn

BBC series lar tak ‘Peaky Blinders’ chu season six-ah a tawp dawn tih kartir lamah khan tarlan a ni tawh a, he series siamtu Steven Knight chuan eng kawng emaw takin chhunzawm a ni dawn tih a sawi lang tel bawk a nih kha.

Deadline-in an zawhna chhangin Steven Knight chuan Covid vanga an ruahmanna thlak a nih thu sawiin, a tir aṭanga a ruahman sa chu Peaky hi movie-a a tawpna siam a ni a, chu chu a thleng dawn a ni, a ti. Series en hlawh tak Peaky Blinders hi season five thleng siam a ni tawh a, Tommy Shelby leh an chhungkaw chanchin rorum tak tarlanna series hi Thawhṭanni khan a tawp dawn tawh tih BBC chuan an tichiang tawh a ni. Mahse tunah chuan series angin tawp dawn tawh mah se movie-ah en chhun-zawm tur a awm ngei dawn a nih hmel.

Nikum hmasa lamah khan Knight hian season seven thleng siam a ni dawn tih a lo sawi tawh a, hemi avang hian Thawhṭannia BBC thuchhuah siam pawh hi mi tam tak chuan mak an ti hle reng a ni. ‘Peaky Blinders’ season six hi production kalpui mek a ni a, kumin kum tawp lam emaw nakkum kum tir lamah emaw chuan an tihchhuah hman rin a ni.