Honda Dio Ṭhazual Lengzem-ah roreltu thar a awm a, Thiamchantira 'Hringnun hi' chu pakhatna a ni. RD 'BOLD V.2 (Confession)' chu pahnihna niin Ruth Z Fanai 'Ka rim ang che' chu pathumna a ni bawk.
Thiamchantira 'Hringnun hi' a invawrh
Thiamchantira zai thiam zia sawi nawn a ngai lo a, Ṭhazual lengzem chart-a pakhatna a ni pawh hi mak kan ti lo tlangin a rinawm.
'Hringnun hi' tih hla hi amah Thiamchantira phuah a ni nghe nghe a, thla hnih liam ta velah khan a tichhuak a, a music video pawh a hmuhnawm hle.
Chart hmasaah khan pangana a ni a, tunah erawh pakhatnaah a rawn zuang dawrh a, hei hian ngaithlatute'n an duh hle tih a tilang chiang hle.
Chart-a a inlanna a la rei lutuk lo a, chuti chung chuan dinhmun ṭha berah a ding rang hle a ni. January thla tawp dawnah khan YouTube-ah music video a dah chhuak tawh a, thlir a hlawh hle bawk.
Hla ṭha tak a ni a, khawvel kalphung dik tak tarlanna hla nalh tak niin Thiamchantira hian a sa thiam hle nghe nghe a, ngaihthlak manhla tak a ni.
Pahnihnaah RD 'BOLD V.2 (Confession)'
Rapper RD-i rawn come back-na hla 'BOLD V.2 (Confession)' chu pahnihnaah a awm ve thung a, chart hmasaah khan pakhatna ni mah se Thiamchantira a ngam ta lo a ni. YouTube-ah thlirtu nuai chuang nei thei a ni a, mipuiin an la ngaithla kham lo tih a chiang.
Ruth Z Fanai 'Ka rim ang che' pawh parukna aṭangin pathumnaah a rawn invawrh ve bawk a, a dinhmun a sawhnghet sawt hle a ni.
Chart-a pakhatna pawh lo ni tawh RPA & Rinhlui Pialtu 'Lokir leh mai rawh' chu palina a ni a, Dinmawia Chawnghlut leh Lawmkimi Chawnghlut chuan 'Inhlan zel ang' hmangin Top 5 an khar thung.
Honda Dio Ṭhazual Lengzem Top 10:-
1Thiamchantira - Hringnun hi
2RD - BOLD V.2 (Confession)
3Ruth Z Fanai - Ka rim ang che
4RPA & Rinhlui Pialtu - Lokir leh mai rawh
5Dinmawia Chawnghlut ft Lawmkimi Chawnghlut - Inhlan zel ang
6Mimi Remruatsangi - Vul zel rawh aw
7Didika Chhakchhuak - I bei reng si
8Teawmi - Facebook
9Ngaihzuali - Rengchal
10Tommy L Pachuau - Lungrunpui
