Covid-19 dona turin Simon Cowell-in $mtd 1.6 thawh dawn
Reality show hlawhtling tak taka judge, Simon Cowell chuan coronavirus dona turin $ maktaduai 1.6 a thawh dawn tih a sawi.
Simon Cowell hian The Sun hnenah a sum thawh tur hi hrilhin, Vice President a nihna charity pawl, U.K-a Shooting Star Children pawhin kal zel an harsat thu a sawi a, he pawl tan hian $622,572 a pe dawn tih a sawi.
Charity pawl dangah pawh pawisa a pe dawn tih sawiin, Feeding Britain leh Feeding America hnenah an insem turin $1,000,000 a pe dawn tih a sawi bawk.
Covid-19 dona kawngah hian milarte'n pawisa an thawh nasa tawh hle a, Angelina Jolie, Ryan Reynolds leh Arnold Schwarzenegger-te pawhin pawisa tam tham tak an lo pe tawh a ni.