Mad Max spin-off-ah Anya Taylor-Joy?
Actress chhe lo tak Anya Taylor-Joy chu film hit tak Mad Max spin-off siam turah a inlan mai thei.
Director George Miller chuan Taylor-Joy hi a bia tih thawm a awm a, Mad Max action series-ah inlan turin a sawm niin Variety chuan a tarlang.
Mad Max spin-off hi nakkum lamah chuan chan ṭan hman an beisei tih Miller hian a lo sawi tawh a, coronavirus-in eng ang takin nge an film production ṭanna turah harsatna a thlen dawn tih erawh hriat a la ni lo thung.
'Mad Max: Fury Road'-a Charlize Theron-i role, Furiosa la naupan lai deuh lemah Taylor-Joy hi a chang dawn nia sawi thawm a awm nghal bawk.
Tunhma deuha Mel Gibson-a'n hneh taka a lo chan tawh, Mad Max chu kum 2015 khan Tom Hardy chuan rawn chhunzawm lehin boruak a nei lian hle a, hemi avang hian a film siamtute pawh hi an phur hle niin a lang.
Miller hian a chhunzawmna siam zel a rilruk thu sawi tawhin, Max leh Furiosa chanchin siam chhunzawm a tum thute pawh a lo sawi thawi tawh a ni.
Mad Max spin-off-ah hian Tom Hardy leh Charlize Theron-te hi an inlan leh dawn em tih erawh a la chiang lo thung.