WhatsApp status video time limit sec. 15-ah titlem
Prime minister Narendra Modi-a'n coronavirus darh zel vanga ni 21 chhung inkharkhipna a puan hnuah, WhatsApp chuan an server-a load tam lutuk tihziaawmna turin status video time limit second 30 ni ṭhin chu second 15-ah a tihniam.
WhatsApp hian Pathianni aṭang khan hei hi a kalpui ṭan a, mahse hei hian India ramchhung chiah a huam thung. iOS leh Android-te pawh a huam vek dawn tih WABetaInfo chuan a tarlang a, ni rei lote chhungin India ram pumah hei hi hman vek tum a nih thu an tarlang bawk.
Hemi awmzia chu WhatsApp status-a video kan upload theih chin bung khata second 30 ni ṭhin kha second 15 chiah a ni tawh tihna a ni.
Facebook CEO Mark Zukerberg chuan a Covid-19 nasa taka a darh hnuah WhatsApp video call hmang ram hrang hrangah an pung nasa hle tih a lo sawi tawh a, hei hian India pawh nghawngin server load a sang ṭhin deuh niin a lang.
WABetaInfo chuan coronavirus leng a tawp hunah tuna WhatsApp feature hman thar pawh hi tihtawp a ni leh nghal dawn tih a tarlang a, mahse WhatsApp lam chuan nimin thleng khan hemi chungchangah hian official thuchhuah a la siam lo.