Hontrade International Ṭhazual Lengzem 10 tihchhuah leh a ni ta a, mi tlem te chauhina an tih theih, a zawna pakhatna vawi thum hauh chu Lawmi Khiangte chuan a rawn ti thei ta. Hei hi Lawmi Khiangte tan chuan hlawhtlinna ropui tak a ni.

Nikum chhung khan Ṭhazual Lengzemah hian pakhatna vawi thum hauh thei mi pathum chauh an awm a, Essy, J. Lalremruati leh C. Sanga te an ni a, Faknaah chuan Bethsy leh Rintea te chauh an ni thung. Lawmi Khiangte hian mi tlem tete tih theih a rawn ti thei a, hmasawnna, hlawhtlinna leh ropuina a ni kan ti thei ang.

Lawmi Khiangte hla 'Kan hlimlai' tih hi Joseph Zaihmingthanga phuah a ni a, kum 2015 December thla aṭangin Hontrade International Ṭhazual Lengzem 10-ah hian a rawn lang ṭan a ni. He hla hi kumina Ṭhazual Lengzema pakhatna hauh thei hmasa ber a ni a, a zawna pakhatna vawi thum hauh thei hmasa ber a ni bawk.

Mizo Idol aṭanga kan hriatlar tho, Remkimi Cherput chu pahnihnaah bawk a la awm a, Lawmi Khiangte hla hit a awm avangin Remkimi hian hma a sawn hlei thei lo. Pathumnaa a awm hnuah pahnihnaah bawk a awm leh a, ṭum hnih chu pahnihnaah a awm tawh. Palina aṭangin Mampuii Thlauhthang hla 'A pawi ngei e' tih chu pathumnaah a rawn kai chho a, pangana aṭangin F. Zomuanpuia chu 'Don't let me down' hmangin palinaah a rawn chho bawk a, Mathlenga 'Mizo thawnthu' chu panganaah a tawlh thla.

Top 10-ah hian Josephine Lalawmpuii 'Ka zawt a che' tih hla chu a rawn lang thar a, 10-naah bul a ṭan a, Manuna hla 'A riang tawn a'n' tih chu top 10 aṭangin a tawlh chhuak ta thung.

Hontrade International Ṭhazual Lengzem 10

1. Lawmi Khiangte -

Kan hlim lai

2. Remkimi Cherput -

Zoawi Lelte a fam ta

3. Mampuii Thlauhthang -

A pawi ngei e

4. F. Zomuanpuia -

Don't let me down

5. Mathlenga -

Mizo thawnthu

6. Samuel Chhangte & Sangkimi Khiangte -

Inṭhen lawng

7. Ananda -

Zo lanu leng

8. C. Sanga -

Lendun a rem lawm ni

9. Abby Chawngthu -

Na i ti lo'ng maw

10. Josephine Lalawmpuii -

Ka zawt a che