Rihanna 'Anti' a rawn lang ta

Billboard album chart-ah Rihanna a rawn lang ta a, a 'Anti' hmangin pakhatna a rawn luah. Anti album hi a tih≠chhuah hlim khan Sam≠sung kaltlanga a free-a download theih a nih avangin eng emaw zat theh≠thang mah se Niel≠sen chuan album chart atan hian a chhiar lo a, a tihchhuah kar khan a hralha hralh chuan copy 1000 vel chauh a hralh.

Samsung lama a tihchhuah hnuah a pang≠ngaiin a tichhuak a, an hralh chhuak ta a, a hlawhtling hle. Kar liam ta chhung khan Rihanna album 'Anti' hi copy 166,000 zet a hralh thei a, Billboard album chart-a pakhatna a hauh vawi hnihna a ni. 'Unapologetic' album hmang khan pakhatna a lo hauh tawh a, he album hi tuna a album hian a hralh chhuah lamah chuan a tluk lo. Unapologetic album hi kar khat chhungin, opening week-ah khan copy 238,000 a hralh.

Pahnihna hi Kevin Gate chuan 'Islah' album hmangin a hauh a, he album hi kar liam ta chhung khan copy 112,000 a hralh. Adele album chu pathumnaah a la awm thei a, copy 106,000 zet mai a la hralh cheu a, hengte nen hian US-ah ringawt Adele hian a album 25 chu copy maktaduai 8.03 zet a hralh tawh a ni.

Sia Furler album 'This is acting' chu palinaah a rawn lang a, copy 81,000 a hralh a, Justin Bieber-a album hit 'Purpose' chu panganaah a awm.

Billboard album chart

"Anti" - Rihanna (166,000)

"Islah" - Kevin Gates (112,000)

"25" - Adele (106,000)

"This Is Acting" - Sia Furler (81,000)

"Purpose" - Justin Bieber (73,000)

"Nine Track Mind" - Charlie Puth (65,000)

"Blurryface" - Twenty One Pilots (43,000)

"Traveller" - Chris Stapleton (33,000)

"T R A P S O U L" - Bryson Tiller (32,000)

"When It's Dark Out" - G-Eazy (31,000)