Super Bowl Coldplay, Bruno Mars, Beyonce

Pathianni zan khan Super Bowl 50 chu neih a ni a, half time show a ropui a, entu pawh an ṭhahnem. Super Bowl Half Time show-ah hian Coldplay, Bruno Mars leh Beyonce te an zai a, Lady Gaga chuan American hnam hla a sa bawk.

Coldplay hian 'Viva la vida' ngei mai khan bul an rawn ṭan a, 'Paradise' hlain an chhunzawm a, 'Adventure of Lifetime' an sa bawk. Coldplay zawhah Bruno Mars a rawn inlan ve leh a, Mark Ronson nena an hlawhtlinpui 'Uptown Funk' chu a rawn sa. Beyonce pawh a rawn inlan a, a hla thar 'Formation' a rawn sa thung. He hla a sak tawp dawn lamah Bruno Mars leh Coldplay te an rawn chhuak a, stage-ah an cheho.

Lady Gag chuan American hnam hla 'The Star-Spangled Banner' hla a sa a, Hollywood mi ropui leh langsarte fak a hlawh hle. Gaga hi beng ṭha lo, Marlee Matlin chuan a rawn ṭawimawm a, ani hian American Sign Language-in Gaga hla sak hi a rawn entir (sa). Hollywood-a mi langsar tak takten Gaga hi thiam an tih thu an sawi chhuak hlawm a, chung zingah chuan Ellen Degeneres pawh a tel.

Super Bowl-ah hian film hrang hrang chhuah chhin a ni a, chung zingah X-Men: Apocalypse te, Independence Day: Resurgence te, Teenage Mutant Ninja Turtles 2 te hi a langsar zual a ni. Coca Cola-in fakna an tihchhuaha Hulk leh Ant-Man te Coca Cola an intirte chu khawvelin fakna a ngaihhlut zinga mi a ni.

Super Bowl Half Time Show-a Beyonce a zai hma lawk hian a pasal, Jay-Z chuan Beyonce hnenah hian rose par 10,000 zet a pe.