KṬP Gen. Conf turin inbuatsaih zel

March 3-6, 2016 chhunga Champhaia KṬP General Conference vawi 56-na atan inbuatsaih chhoh zel a ni a, hemi hun zai hruaitu turte leh Praise Group te pawhin ngawrh takin hla an zir mek.

Nikum November thla aṭang khan zai hruaitu turte leh Praise Group te hian hla an zir tawh a, Zirtawpni zan khan Ramhlun East Kohhranah hla hi zirin, hei hi vawi 16 an zirna a ni. Naktuk zan hian ITI Kohhranah an zir leh ang. February thla chhung hian Chanmari West Hmar Veng, Zemabawk, Chanmari leh Kulikawnah te an zir leh ang a, February 23 hian Chanmari Kohhranah rehearsal an nei ang.