Kung Fu Panda a la chak ṭha zel

Box office lamah chuan Kung Fu Panda 3 a la hlawhtling zel a, kar tawp chhung khan USD mtd 21 zet a lak luh belh leh.

Kung Fu Panda 3 hi theatre 3,987-ah chhuah a la ni a, heng
aṭang hian US box office (USA leh Canada a huap)-ah USD mtd 21 lakluh belhin, a pumpuiah USD mtd 69 zet a thawk chhuak tawh. Pahnihnaah 'Hail Caesar' awmin, USD mtd 11.4 a lalut a, he movie hi movie thar a ni.

Leonardo channa hlawhtling, The Revenant chu pathumnaah a awm a, a hma khan pahnihna a ni. USD mtd 7.1 a lakluh belh leh a, hengte nen hian USD mtd 149.7 zet sum a hlawh chhuak tawh. Star Wars: The Force Awakens chuan USD mtd 6.89 hmuh lehin, USD mtd 905.9 zet sum a lalut tawh bawk.

Box office movie

1 Kung Fu Panda 3

2 Hail, Caesar!

3 The Revenant

4 Star Wars: The Force Awakens

5 The Choice

6 Pride and Prejudice and Zombies

7 The Finest Hours

8 Ride Along 2

9 The Boy (2016)

10 Dirty Grandpa