Billboard 200 album chart tharah Taylor Swift album hnuhnung ber, 'The Tortured Poets Department' chu NO 1-ah a rawn kir leh ta.
'Tortured Poets Department' hi Apri 19, 2024-a tlangzarh kha niin, a zawn loin kar 16 chhung chart chung ber dinhmun hi a lo hauh thei tawh a ni. Hun eng emaw chen a thawm a reh hman a, mahse Taylor Swift 'Eras Tour' khar a nih hnuah chart lamah a rawn invawrh chhuak leh ta a ni. Kar liam ta chhung khan US-ah equivalent album unit 405,000 rawn nei lehin, album sales hi 368,000 a tling bawk. He album-a hla te hian on-demand official stream mtd 48.19 an nei bawk.
Kendrick Lamar suprise album, chart hmasa lama No 1 lo hauhtu, 'GNX' chu No 2-ah a tla thla a, equivalent album unit 165,000 a la nei. 'Wicked' film soundtrack pawh No 3-ah awmin, a thih hnua Juice WRLD album chhuak, 'The Party Never Ends' chu tlangzarh karah NO 4-ah a rawn lang. Negative comment a tam hle chungin he album hian equivalent album unit 86,000 a nei pha tho a ni.
Top 10-ah Krismas album pahnih an rawn lang thar bawk a, Michael Buble 'Christmas' album chu No 7-ah a rawn lang a, heibakah Bing Crosby hla dahkhawm an tih chhuah thar, 'Ultimate Chrismas' chu No 9 ah a rawn lang bawk.
