Ashtalakshmi Mahotsav 2024 Fashion Show-ah Lapâr che ṭha

Sorkar laipuiin hmarchhak state-te hnamzia phochhuah leh chawikanna tura a buatsaih, New Delhi-a Ashtalakshmi Mahotsav 2024 neihah Fashion Show-ah Mizoram aiawhin Lapâr an tel a, an che ṭha hle.

Fashion show hi December 7, 2024 khan fashion stylist leh choreographer lar, Prasad Bidapa kaihhruaina hnuaiah neih a ni a, hmarchhak state tin aṭangin designer ṭha pakhat ṭheuh thlan an ni. Lapâr hian an collection thar ber “Lalnu Ropuiliani Winter’24” chu he show ah hian an pho lang. He collection-ah hian Lalnu Ropuiliani chawimawi mai bakah hemi kal tlang hian Mizo puan zeh diktak leh mi nawlpui hriat tawh loh hman a ni. Show stopper atan hian Jeje Lalpekhlua, Mizo footballer ṭhin, ram pum huapa hriat lar leh tuna MLA ni ta chu hman a ni.

Show-a guest of honour Jyotiraditya Scindia, Minister of Communications and North East Development, chuan a mimal takin designer, Patricia Zadeng chu runway tawpah chuan ding meuha chawimawina hlanin a collection ṭha a tih thu a hrilh.

Lapâr hian Mizo kuttah puan an siamchhuak ber a, Mizo hnam kuttchhuak te humhalh paha kawng thar daipui zelna kawngah an theihtawpin hma an la a ni.