'Tangled' live action an siam dawn

Animated film lar, 'Tangled' chu live-action a siam tum a ni a, a siam tur hian 'The Greatest Showman' director Michael Gracey chu biak mek a ni.

Do Revenge" leh "Thor: Love and Thunder" scripwriter, Jennifery Kaytin Robinson chu Tangled script ziak tur hian biak a ni bawka, he film hi Kritin Burr leh Lucy Kitada ten an produce dawn a ni. Animated 'Tangled' kum 2010 a chhuak kha a ni a, Rapunzel chanchin a ni. He film-ah hian Rapunzel aw chu Mandy Moore in a thawh a, Zachary Levi chuan Flynn Rider aw a thawh thung. A film soundtrack, 'I See the Light' hi Moore leh Levi te hian an sa bawk a ni. He film hi a hlawhtling hle a, khawvel huapa a sum lak luh hi USD mtd 590 a tling pha. Disney hian animated film-te live action-a siam chhoh a tum zel a, kumin December 20 hian 'Mufasa : The Lion King' live action tih chhuah a ni dawn a, nakkum March 21-ah 'Snow White' leh May 23-ah 'Lilo & Stitch' live action te tih chhuah an tum bawk.