Mizoramah pawh, TV-ah te, chanchinbuah te fakna kan hmu hnem hle. Fakna, advertisement hi a pawimawhzia hretute chuan sum tam tak sÍn ngamnaah an ngai a, maktaduai mai pawh ni lo, tluklehdingawn chuang teh meuh mai sum an sÍng ngam!
200 Leading National Advertisers-a landanin, nikum chhung khan US-ah chauh, company leh firm, dollar tluklehdingawn chuang advertisement atana sum hmang hi 38 zet an awm. 200 Leading National Advertisers hian company 200, ads atana sum hmang hnem zual a tarlang a, heng company tena ads atana sum an hman zawng zawng hi USD tluklehdingawn 137.8 zet zu tling a!
US-a ads atana sum hmang hnem ber chu Procter & Gamble (PG) an ni a, nikum chhung khan ads atan hian USD tld 4.6 zet an hmang. US-ah chauh ni loin, khawvel huap pawha company zinga ads atana sum hmang hnem ber a ni. He company hian in chhung sekrek mamawh, hmel leh hmai leh taksa enkawlna chi hrang hrang an siam chhuak. Kuminah ads atana sum hman an tum zat hi nasa takin a tlahniam a, chuti chung chuan USD mtd 500 chu a tling tho. TV leh chanchinbua inzawrh tlem tial tial an tum a, digital advertising an uar tial tial thung a, a ṭha berin an ngai tawh.
Telecommunication company lian, AT&T hi US-ah chuan ads lama sum hmang hnem ber dawttu a ni a, USD tld 3.3 zet an hmang. "It's Not Complicated" campaign atan ringawt pawh hian cheng maktaduai tam tak an seng a, hei bakah naupang leh kum naupang zawkte tawktarhin The Network Guys an kalpui bawk.
Motor siamtu lian leh lar, General Motors hi ads atana sum hmang hnem pathumna a tling pha. Nikum chhung khan ads atan hian USD tld 3.1 zet an hmang a, an ads lian pakhat chu Chevrolet brand tan a ni. Captain America: The Winter Soldier-a motor an hmante pawh kha an tumsak a ni nghe nghe.
Advertisement atana sum hmang hnem dangte
Comcast Corporation - USD tld 3
Verizon Communications - USD tld 2.5
Ford Motor Company - USD tld 2.5
American Express - USD tld 2.4
Fiat Chrysler Automobiles - USD tld 2.2
L'Oreal - USD tld 2.2
Walt Disney - USD tld 2.1
