Samsung-in Galaxy Note 7 lei lo turin ti

Sawiselna leh buaina neuh neuh a awm hnuah Samsung Electronics Co. Ltd. chuan Thawhlehni khan mipuite chu Samsung Galaxy Note 7 lei lo turin a hrilh ta nge nge.

Samsung-in hetianga thu a tihchhuah hma hian Galaxy Note 7 avanga buaina a thleng nasa hle. A battery a puak theih avangin mi hrang hrangin harsatna an lo tawk tawh a, kar hmasa mai pawh khan US-a khualzin phur thlawhtheihnaa khualzin pakhat phone, Galaxy Note 7 a khuk tak luaih luaih avangin he thlawhtheihnaa chuang khualzin te chu thiar chhuah an ni.

Thawhṭanni khan US leh Australia-a carrier te chuan Galaxy Note 7 hralh an lo titawp lailawk rih tawh a, hemi hnu hian Samsung chuan khawvel ram danga mite pawh an Note 7 hi hralh tawh rih lo turin thu an tichhuak bawk. Battery chiangkuanloh avang hian samsung chuan khawvel pumah Galaxy Note 7 hi maktaduai 2.5 zet a ko kir tawh a ni.