Kim K an rawk tak tak Paris Police-ten rukrute sawi chhuak

Mi tam takin ringhlel mah se, Paris police-te thusawi aṭangin Kim Kardashian hi an rawk tak tak a nih hmel. Paris police-te chuan rukrute hi hi rukru thiam tak tak an ni a, panga an ni tih an sawi a, motor van-in an tl‚n bo niin an sawi bawk.

Paris police-te chuan rukrute hian an tl‚nchhuah theihna turin lem an chang niin an sawi bawk. Us Weekly chanchinbuin Paris police-te thil sawi chungchang a tarlanah, police-te hian heng rukrute hi rukruk thiam tak an ni a, an tl‚n chhuah theihna turin rukruk thiam lo tak angin an chang chawp a ni an ti.

Police-te chuan rukrute hi mi panga an ni tih an sawi a, thil la ru ṭhang lo ang taka lan tumin, Kim K apartment an tlansan lai hian pakhat chu bike-in a tlu der a, pakhat dang chuan an thil ruk chu a ti tla lui a ni an ti. Heng an thil tih zawng zawng hi security camera-a police-ten an hmuh leh atana an tihchawp mai mai niin an sawi bawk.

Heta an thil ruk an tihtlak luih hi TMZ chuan lunghlua chei kraws a ni tih a tarlang a, USD 33,000 man vel a ni. He inrawknaah hian Kim K chuan a tlereuh chi 13 lai a ch‚n a, chung zingah chuan a pasal Kanye West-a'n a pek zungbun, USD mtd 4 vel zet man pawh a tel.