United Nations General Assembly (UNGA)-in Israel leh Hamas indo mek chungchanga hmalak dan tur rel a, resolution an siamah India chuan vote a thlak ve duh lo.

UN General Assembly resolution hi Jordan buatsaih niin, indona kara awm civil mite humhimna tur leh ram dangin dan leh ṭanpuina hmanga an tih ve turte chungchanga an hmalakna tur an duang a ni. Resolution-ah hian Israel leh Hamas indona chu remna nena tihtawp thuai leh Gaza Strip-a ṭanpuina lut tur chu harsatna awm loa a luh zung zung theih an duh thu an sawi. Member 193 awmna UN General Assembly-ah hian resolution pawm zawnga vote thlak hi member 121 an ni a, member tel lo/vote thlak lo hi 44 awmin, member 14-te chuan a resolution pawm lo zawng hian vote an thlak thung.

India chuan resolution siama vote a thlak loh chungchangah hian India Deputy permanent representative-a UN Ambassador, Yojna Patel chuan kan danglamna leh harsatnate thua sawi fel tur a nih lai hian, he rorelna pawh hian kawng dang zawng se kan duh a ni, tiin a sawi. India chuan firfiaka chetna chu cancer ang deuha ramri leh ram leh eng mi mah thliar loa khawvel puma a thlen thu leh, eng hmang maha sawi mawi tumna awm lo se a duh a ni, a ti.