Prime minister Narendra Modi chuan nimina Bhopal khawpuia ni hnih awh tur, 'All India Annual State Ministers' Conference on water' neih chu virtual hmangin a hmanpui. He conference hi Union Jal Shakti Ministry-in a buatsaih a ni.

PM Modi chuan tui humhalh a ṭulzia te, hei hi state tinte mawhphurhna a nih thute a sawi. Ram chhung district tinah Amrit Sarova 75 zel siam tum a nih thu leh, 25,000 siam zawh a nih tawh thu a sawi. Tui humhalhna kawngah Geosensing leh Geomapping technology hman a ṭul thu a sawi bawk.

Chhungkaw tinte hnenah an inah ngei tui thianghlim pekna tura sorkar hmalakna, Jal Jeevan Mission pawh chak taka kalpui zel a nih thu Prime Minister chuan a sawi.

Tui humhalhna kawngah sorkar hmalakna chauh a tawk lo a, mipuite an tel ve a ngai tih PM chuan a sawi. Swachh Bharat aṭangin mipuite sorkar hmalakna an puiha a hlawhtlin theihzia chiang taka a lan thu a tarlang.

All-India water ministers’ meet-ah hian thupui atan ‘Water Vision@2047’ tih hman a ni.