Jammu and Kashmir, Pampore-a sorkar building luhkhungtu, firfiak zinga pahnih chu security force-te nen darkar 50 chuang an inkah hnuah kahhlum an ni a, an awmna buildingah pawh sipaite an lut thei tawh a ni.
Srinagar aṭanga km 15-a hla, Pampore-a Entrepreneurship Development Institute (EDI) chu Thawhṭanni khan firfiakte hian beiin building chhungah lutin an tawm zui a ni. Security force-te nen an inkap zui a, firfiakte beihna atan hian rocket 50 chuang bakah, machine gun leh grenade eng emaw zat hman a ni.
Thawhṭanni khan firfiak pakhat chu kahhlum a ni a, nimin khan pakhat an kaphlum leh. Security force-te chuan thurualpui dang an la neih leh neih loh zawngin buiding hi an dap nghal bawk.
Thawhṭanni tlaia firfiakten EDI building an beihnaah khan sipai pakhatin hliam a tuar. Firfiakte hi building chhung≠ah an tawm avangin an mahni bei tur hian thla hmasaa Pakistan rama surgical strike neitu unit aṭangin special force koh luh nghal an ni.
Official-te chuan firfiakte beih rei a ngaih chhan hi buildinga-ah hian bunker ang chi invenna a awm vang niin an sawi. Hei bakah hian firfiakte hian silai mu leh mamawh dang pawh
ṭhahnem tham tak an inchhawp nia sawi a ni bawk. Building peng
ṭhenkhatah kangmei chhuak ṭhin mah se, in chhung aṭang hian firfiakte hi an chhuak duh lo.
EDI hi Kashmir
ṭhalaite hnenah vocational training pekna hmun a ni. Building hi chhawng sarih-a sang niin room 70 a awm. Jhelum lui kam, Srinagar-Jammu National Highway-a awm a ni. Mahse kumin July thlaa firfiak, Burhan Wani thah a nih avanga Kashmir tual≠chhung buaina nasa tak a thlen avang khan thla thum chuang zet chu class an nei tawh lo a ni.
