Parrikar-a'n PM leh armed force fak

Defence Minister Manohar Parrikar chuan Pakistan occupied Kashmir-a surgical strike hlawhtling tak neih takah Indian security force-te chuan fak an phu hle tih a saw.

Nimina Navi Mumbai-a Materials Engineering Technology (MET) conference a hmanpuinaah Parrikar chuan he thu hi sawiin, surgical strike neih a nih theihna tura Prime Minister Narendra Modi-a thutlukna siam chu a fak thu a sawi bawk. "Chawimawina chu kan armed force te khum tur a ni a, hemi rual hian Prime Minister pawhin fak a phu hle a ni", a ti.

Surgical strike neih chungchang ringhlel lam zawnga eptu lam mi
ṭhenkhatten thu an sawi chu bei letin, Parrikar chuan a hlawhtlinna hi ram pumin a tel a, hei vang hian a lo ringhlelte pawhin a hlawhtlinna hi an tel ve vek a ni, tiin a sawi.