New York-ah Sikh hoin rally huaihawt

Pakistan leh India inkar boruak ṭha lo chho zel chuan ramri bul, Punjab-a cheng Sikh ho chungah nghawng ṭha lo tak a thlen a hlauhawm hle a, nimin khan Sikh mi eng emaw zatin New York-a UN headquarters kawtah 'Save Punjab Rally' an huaihawt.

Rally hi rights group, Sikhs for Justice (SFJ) buatsaih niin, North America-a civil rights group leh Sikh temple management committee ten an thlawp bawk.

Kawngzawhte hian lehkha ziakte kengin, Punjab mipuite duh thlanna lak thlawp tura ngenna te, indo boycott tura an ngenna te tarlan a ni.

September 28-a Indian army-te'n Pakistan ram chhunga surgical strike an neih hnu khan international border boruak hi a ralmuang lo hle a, ramri bula cheng mi eng emaw zat chu border aṭanga km 10-a hlaah sawnchhuah an ni. Punjab-ah hian Pakistan ramri km 553-a thui a awm a, international border hnaihah district paruk a awm bawk.