UP-ah Congress tan Priyanka campaign dawn

Nakkum kumtir lama Assembly inthlan neihna tur, Uttar Pradesh-ah chuan party hrang hrangten campaign an nei ṭan tawh a, Priyanka Gandhi pawh November thla laihawl aṭangin Congress party tan a campaign dawn nia sawi a ni.

Congress vice president Rahul Gandhi chuan UP-ah Kisan Yatra neiin, hemi chhung hian km 3,500 a thui a tuam chhuak a, hei hian an party dinhmun pawh a siamṭhat bakah, party member pawh a chawk phur hle nia sawi a ni. Party boruak siamṭhat chhoh zel nan state khawthlang lam biala road show an buatsaih turah Priyanka Gandhi pawh a tel tawh dawn niin Meerut district Congress Committee thupuangtu, Abhimanyu Tyagi chuan a sawi.

Priyanka Gandhi hian a nu leh a nuṭa, Sonia Gandhi leh Rahul Gandhi-te bial, Amethi leh Rai Bareli-ah bak campaign tur hian an inlan ngai lo a, mahse UP assembly inthlan neih tur atan hian state chhungah a campaign ve tawh dawn nia sawi a ni. State Congrss chuan meeting tenau leh rally hrang hrang 100-150 ah thu sawi tura beisei a nih thu an tarlang.