United Nations Trusteeship council president thar atan Britain deputy UN ambassador nilai, Jonathan Guy Allen chu thlan a ni. 

Jonathan bakah vice president atan France deputy UN ambassador nilai, Anne Gueguen chu thlan tlin a ni bawk. Kar kal ta Zirtawpni khan inthlanna hi UN Trusteeship council vawi 72 inkhawmnaah neih a ni a,council member-ten nomination an thehluh hnuah, an pahnih hian thlan chhuah an ni ta a ni. 

UN Trusteeship council hi kum 1945 khan UN Charter Chapter XIII hnuaiah din a ni a,UN principal organ paruk zinga pakhat a ni. Council-in a tum ber chu Indopui II-na hunlaia ram awpte mahni kea an din theihna tura puih leh ramria buaina chungchang ngaihtuah a ni. 

Kum 2021 November thlaah Trusteeship Council ṭhutkhawm hi neih tum leh a ni a, a dawn hnai ni 30 hmain a ni leh hun tur hi an puang ṭhin.