Meghalaya-a North- Eastern Hill University (NEHU) inkaihhruaina felhlel leh dik lo awm endik tura Ministry of Education-in mi pahnih awmna team a tirh chuan endik hna an nei zo ta. Report hi Zirtawpni, November 29 hian thehluh tura ruahman a ni bawk.

He committee member, University Grants Commission (UGC) chairman, Professor DP Singh leh Assam University vice-chancellor hlui Dilip Chandra Nath te chuan endik hna an thawh chhung hian zirlai, zirtirtu leh staff te lungawi lohna chu an ngaihthlak sak a ni.

Chhuizuina leh endikna an neih hian university chhunga buaina awm tihtawp kawngah kawngro a su dawn a, class neih chhunzawm leh pangngai taka university a kal leh theihna tur atan a pawimawh hle. Vice-chancellor Prabha Shankar Shukla-a'n eng thleng nge a nihna a chelh dawn tih pawh a hril dawn bawk.

Hetih mek lai hian zirlai lungawi lote chuan chaw ngheia nawrh an tihtawp hnuin sit-in demonstration an la neih chhunzawm zel.

Cabinet Minister Ampareen Lyngdoh chuan November 26 khan vice chancellor leh univerisity-a dinhmun pawimawh chelhte ruatna kawngah sokar laipui chuan state sorkar a biakrawn a pawimawh thu a sawi.