Tripura: BJP hruaituten Bangladesh-a Hindu te beihna thleng dem

Tripura BJP hruaitute chuan Bangladesh -a Hindu leh Hindu hruaitute beihna thleng chu an dem thu an sawi.

Chief minister Prof Dr. Manik Saha, chief minister hlui leh MP ni mek Biplab Kumar Deb leh BJP Tripura president Rajib Bhattacharya te chuan Bangladesh rama sakhaw tlem zawk, Hindu te beihna thleng chu titawp tura an phut thu an sawi a ni.

International Society for Krishna Consciousness (ISKCON) member leh Hindu hruaitu Swami Chinmoy Krishna Das man a ni leh Hindu miten beih an tawh chungchang sawiin, Tripura chief minister Prof. Manik Saha chuan Sanatan Dharma chu dikna chanvo kengkawhtu a ni tiin hmanlai aṭang tawhin Sanatan Dharma tih nat tumtute chu nuaibo an ni ṭhin, a ti.

Chief Minister hlui leh Lok sabha Parliament member Biplab Kumar Deb chuan buaina thleng chungchanga hma la turin ram dangte a ngen bawk a ni. Sanatani mite chungah beihna thleng mek leh sakhuana inzirtirna hmun leh Sanatani Guru te beih an ni chu democracy rama thil thleng atan a rapthlak thu leh mihring dikna chanvo inrahbehsakna a ni, a ti.

BJP state president leh Rajya Sabha MP Rajib Bhattacharya chuan Swami Chinmoy Krishna Das Prabhu inpekna sawichhuakin, ISKCON hruaitu chauh a ni lo a, Bangladesh hmasawnna tura theihtawpa thawktu a ni, a ti. Chhiatna an tawrh pawhin, ISKCON leh Hindu pawl dangte chuan thliar bik neiloin mipuite chhawmdawl leh puih hna an thawk ṭhin a, mahse tunah chuan Bangladesh chuan helpawl ang maia a chhuah thu a sawi. Bharatiya Janata Party, Tripura Pradesh chuan Swami Chinmoy Krishna Das chu chhuah tur leh, dik lo taka an puhna pawh hnukdawk tura an phut thu a sawi bawk a ni.