Manipur: Manipur Police-ten medical officer chhanchhuak

Manipur police te chuan November 22, 2024-a Langthabal Kunja Leikai aṭanga rukbo, medical officer Dr. Kh. Nabakeshore an chhanchhuak. A rubo tute hian an mi man khul chhuahna tur an phut bakah an thil phut tihhlawhtlin a nih loh chuan thahah an vau a ni.

Intelligence-ten hma la nghalin police te chuan Lamdeng-a Lamshang Police Station huamchhunga farmhouse ah an chhui lut a, November 24,2024 khan Dr Nabakeshore hi chhanchhuakin a rubo tute zinga mi pali an man ta a ni. An mi mante hi Wahengbam Ramananda, a hming lem Rousow/ Luwangamba, KCP (MC) Lalumba nena inzawmna nei nia hriat, Wahengbam Usharani, a hming lem Piyari/Abem, Naoraibam Joyshankar leh Leichombam Bipin Singh te an ni. An kut aṭang hian 7.65 mm pistol leh a mu, .32 mm pistol leh a mu bakah .32 caliber ammunition mu 10 an man tel bawk.

Hemi hnu November 26, 2024 hian rinhlelh dang Paonam Shamungou, a hming lem Pintu chu man leh a ni bawk. Ramananda chenna in an dap hnu hian ralthuam chi hrang hrang leh a kaihhnawih bakah ruihhlo nia rin an man bawk. An thil mante hi pistol pathum, revolver leh carbine magazine pahnih, 7.65 mm mu 28 leh 7.62 mm mu, detonator pali leh .22 rifle leh a mu, heroin no.4 ni ngeia rin sahbawn bawm pariata dah te an ni.

He pawikhawihna a inhnamhnawih dang zawn pawh chhui zui mek an ni bawk