Manipur-a security force-ten ralthuam zawn beihpui an thlak kal mekah, Churachandpur-a helpawl birukna hmunah ralthuam leh puak thei thil an man. An thil mante hi rocket pali, mortar paruk leh grenade pahnih an ni.
Intelligence aṭanga thu an dawn bawhzuiin, joint security team te hian Churachandpur district leh Bishnupur district kianga awm, Panjang khuaa Thangjing Ridge-ah ralthuam zawn beihpui an thlak tih an sawi.
Manipur Police Control Room chuan Nilaini khan darkar hnih chhung vel security force-te hian an zawn hnuah heng ralthuamte hi an man thei ta niin a sawi. Security force ten a hmun an thlen hian helho chu an lo tlanbo hman a, an ralthuam erawh an hnutchhiah a ni.
An ralthuam man rocket pahnih hi ft 8 a sei niin a dang pahnih hi ft 7 a sei an ni thung. Ram chhunga siam mortar, Improvised mortar bomb pathum, ramchhunga siam grenade leh radio set chu an birukna hmunah hian an man tel. An thil man te hi chhuizui turin police kutah an hlan nghal bawk.
