Nagaland: 2025 electoral roll draft tlangzarh

Nagaland Chief Electoral Officer (CEO) chuan an state electoral roll draft photo 2025 chu October 29, 2024 khan a tlangzarh. Nagaland-ah hian Assembly Constituency 60 a awm.

Draft roll ah hian elector 1,331,555 an awm a, 659,264 chu mipa niin 664,965 chu hmeichhia an ni a, third-gender pahnih an awm bawk. Heng bakah hian service elector 7,324 zingah mipa 7,209 awmin hmeichhia 115 an awm. Nagaland-a Electors Population (EP) ratio chu 534 niin, gender ratio chu 1009 a ni.

Electoral roll draft hi a dik lo emaw siamṭhat ngai awm emaw a nih chuan siamṭhat hun chhung atan October 29 aṭanga November 28, 2024 thleng hun an hawng dawn a, hemi kalpuinan hian special camp chu polling station ah November 8 leh 9 bakah November 22 leh 23, 2024 hian an siam dawn a ni. He camp-ah hian mipuite chuan Booth Level Officer emaw Assistant Electoral Registration Officer (AERO) leh Electoral Registration Officer (ERO) hnenah an thlen thei dawn a ni.

CEO office hian electoral roll 2025 hi an official website ceo.nagaland.gov.in ah an dah a, electoral roll photo final hi January 10, 2025 ah an puangzar dawn bawk.