Manipur-a security force-ten tlangram leh phai district ṭhenkhata ralthuam thuhruk zawn beihpui an thlak chu neih chhunzawm zel a ni. Beihpui thlakna kal zelah hian ralthuam leh a kaihhnawih enge maw zat an man belh leh niin Manipur Police Control Room chuan a tarlang.
Ralthuam man zingah hian .303 rifle pakhat leh a mu, 12mm single barrel rifle pali, 12mm rifle pakhat, 9mm pistol pakhat leh a mu, improvised mortars (pumpi guns) pali, 7.62mm mu 57, 9mm mu 20, .303 rifle mu leh tear gas gun shell pahnih an man a ni. An ralthuam mante hi Canan Veng, New Lamka Churachandpur district-a mi vek an ni.
Police-te chuan tun dinhmunah boruak ṭha lo a awmloh thu an sawi a, NH-37 a lirthei 151 tlan lai pawh an him thu leh NH-02 a lirthei bungraw phur 494 te pawh venhimna an pek thu an sawi bawk. Henglai hmun derthawng laiah te hian khauh zawka venhimna an kalpui thu te, lirthei khalhtu leh an mi phurh te pawh venhimna ṭha tak an pek thu an sawi bawk.
Manipur state chhung hmun hrang hrangah checkpoint 110 Manipur dah a ni dan phalloh thil buaina engmah a thleng rih lo tih an tarlang bawk a ni.
Manipur Police Headquarters thar sa zo
Manipur Police Headquarters thar tur Mantripukhri, Imphal West ami chu sak zawh niin hawn thuai a ni dawn tih chief minister N Biren Singh-a'n Nilaini khan X ah a puang.
CM Biren Singh chuan Police Headquarters thar hi tunlai bungrua ṭha ber ber leh changkang thei ang bera thuam a ni a, law enforcement agency ten security service an kenkawh leh tihchakna turin hma an la dawn tih a sawi bawk. Police hnathawh tih hmasawn kawngah te, mipui vantlang venhim leh Manipur chhunga law enforcement agency te hmalakna tih chak kawngah mawhphurhna sang tak a nei dawn a ni, a ti.
