Assam: CM-in Assamese Classical Status anih lawm hun tur puang

Assam chief minister Himanta Biswa Sarma chuan Nilaini, October 16, 2024 khan Assamese ṭawng Classical Language Status a hlankai a nih lawmna, 'Bhasha Gaurav Saptah' neih hun tur a puang. November 3-9 chhunga neih tur a nih tur thu sawiin, mipuite chu he lawmna hun hlawhtling taka hman a nih theih nan theihtawp chhuah turin a ngen nghal bawk.

CM Sharma chuan Nilainia meeting 'Bhasha Gaurav Saptah' neih hun tur an rel hnuah a X-ah post in, November 3-9 chhunga neih a nih tur thu leh, he hunah hian zirna in te leh sorkar office te pawh an tel dawn tih a sawi. Prime Minister Narendra Modi leh mi pawimawh dangten Assamese ṭawng an ngaihhlutsak avanga an lawm zia lantirna hun an hmang dawn tih a tarlang.

Sarma chuan, "Assamese hi kum 2,000 liamta aṭanga awm tawh a ni a, Bhasda Gaurav Saptah hmang hian kan chhawmnung zel dawn a ni," a tt. He hunah hian classical language pawimawihna tilang thei lehkhabu te tlangzarh nghal a ni dawn a, online leh offline hmanga tih theih activity hrang hrang phochhuah a ni bawk ang.

Assamese hi October 3 khan prime minister Narendra Modi kaihhruai union cabinet meeting chuan classical language status ah an dah a ni. Marathi, Bengali, Pali leh Prakrit te pawh dah tel an ni ve nghal bawk.

Classical language status hian hamṭhatna hrang hrang neiin heng zingah hian Center of Excellence for linguistic studies siam te, central institution ah professional chairs neih te leh ṭawng chi hrang hrang hmanga international award dawn theihna kawng a hawng a ni.