Kaziranga National Park and Tiger Reserve, Assam-ah Pathianni, September 22, 2203 khan World Rhino Day hman a ni a, samak humhalhna tura mipuite inzirtirna hrang hrangte buatsaih a ni.
He hmalakna hmang hian mipuiten Assam-in a hmingthanpui, samak ki khat nei (one-horned rhinoceros) humhalh a pawimawh zia hriattir chu an tum ber a ni. He ni pual hian Kohora Convention Centre, Kaziranga-ah hun hman niin, conservation rally, jungle safari, skill upgradation training te neih a ni a, hei bakah frontline forest staff-te tana salary account danglam tak siamte pawh a tel.
World Rhino Day hmannaah hian rhino tableau rally buatsaihin, hei hi samak humhalh a pawimawh zia lantirna atana neih a ni, tualchhung mite pawh telin, gypsy safari associations, forest staff, NGO leh wildlife enthusiast-te pawh an tel a ni.
Hemi ni hian naturalist Santa Sarma lehkhabu ziah, 'Birds of Assam' tih leh 'A handbook on Common Freshwater Fishes of Assam' lehkhabu Assam State Wetland Authority leh Indo-German Bilateral Cooperation Project-te publish chu an tlangzarh nghal bawk.
Assam-in a record danin, an state-a samak ki pakhat nei awm zat hi 1960 aṭanga 2024 thleng hian a let nga in an pung. Tunah hian samak hi 3,000 chuang an awm mek a, 1960 bawr chho khan 600 an awm ṭhin. World Rhino Day denchhen hian an data hi an tlangzarh a ni. ICUN chuan heng samak te hi mang mai hlauhawm, humhalh ngai tiin red list-ah a lo telh tawh a ni.
Assam-a samak sawm zinga 80% chu Assam Kaziranga National Park and Tiger Reserve-ah awmin, 4% chu Orang National Park ah, 3% chu Pobitora Wildlife Sanctuary ah awmin 1% hi Manas National Park ah an awm. India ram puma samak awmte hi Assam bakah hian 9% hi Jaldapara National Park ah an awm ve bawk a, 2% hi Gorumara National Park leh West Bengal Dudhwa National Park, UP ah 1% an awm.
Assam chief minister Himana Biswa Sarma chuan an state-a samak an pung chho zel chu a humhalhna kawnga sorkarin kawng hrang hranga hma alak rah chhuah niin a sawi a, heng samak te hi an ram ti mawitu leh an inchhuanna te an ni a, humhalh leh venghim tur hian theihtawp an chhuah thu a sawi.
