Nagaland : Gauhati HC-in Police Constable 935 lakna hnawl

Nagaland a sorkarin police constable 935 a lak chu, hna lakna atan advertisement tih chhuah a nih loh avangin Gauhati High Court chuan a hnawlsak.

He hna lak hi kum 2018, January leh October, 2019 inkara mi a ni a, hna lak danah thil fel lo a awm nia sawiin Gauhati High Court-ah hian petition thehlut a ni.

Justice Devashis Baruah chuan court thutlukna hi puangin, Nagaland sorkar chu state chanchinbu darh zau hoah hna lakna tur advertisement mumal taka chhuah phawt a, police constable lakna tur hi kalpui ṭha leh turin a hriattir. He hna lak tharna tur hi hriattirna pek aṭanga thla ruk chhunga tifel tura tih a ni bawk. Thawk tura lak tawh, court-in a hnawlsak takte pawhin a tharin an dil leh thei ang. Court chuan hna thar lak turah hian kum bithliah, upper age limit ah pawh ngaihnathiamna a siam bawk.

Constable atana lo lak tawh, Court-in a hnawlsakte chu thla ruk chhung emaw, sorkarin hna thar lakna tura hriattirna a tih chhuah hma emaw chu an service chhunzawm phalsak an ni.