Meghalaya: ṭangrual pawl zawm tura sawmna VPP in hnawl

Meghalaya-a Voice of the People Party (VPP) chuan United Democratic Party (UDP) in Meghalaya-a tualṭo party ṭangrual pawl, Regional Democratic Alliance zawm tura a sawmna chu a hnawl. An kalphung leh suk thlek a in ang lo tiin an sawi.

VPP Lok Sabha member Ricky AJ Syngkon chuan, " Kan party kalphung tibuai thei nena thawhho chu kan thei lo ang," tiin he thutlukna an siam chhan chu an party tan an theihna zawng zawng an hlan vang a ni, a ti.

UDP hi member 60 awmna, Meghalaya assembly-ah hian regional party lian ber niin MLA 12 a nei. Regional Democratic Alliance hnuaiah regional party zawng zawngte thawh ho dan kawng a zawng a ni.