Independent social researcher, Serto Tondona Kom chuan hripui leng vanga ni 304 chhung zet all women market-te khar a nih avangin cheng vaibelchhe 3,879 hloh a nih thu a sawi. 

Manipur sorkar chuan Covid-19 leng vangin nikum March 21 aṭang khan Imphal-a all women market, Nupi Keithel pathum te chu a khar tir a, tun thlengin hawn an la ni lo. Kom chuan Manipur-ah  hian economic activity pahnih - agricultural leh non-agricultural a awm thu sawiin, State Economics and Statistics Department-in 5th leh 6th Manipur Economic Census report-a siamah agiculture-ah hian thawktu 50,435 leh non-agriculture ah 4,06,755 an awm a ni, a ti. Retail trade lamah thawktu hi 1,51,330 awmin heng zinga  52,966  hi hmeichhia an ni tih a sawi bawk.  Imphal Municipal Corporation hnuaiah licence-holding vendor 6,522 awmin, an zinga 3,614 chu hmeichhia an ni bawk.

Hmeichhe vendor-te hian ni khatah Rs 353 zel lalut anga chhut an ni a, ni khatah hmeichhe vendor-te sum hloh hi Rs 12,75,742 zel ang niin, ni 304 chhung an sum hloh hi Rs vbc 3,879 a tling tih Kom chuan a sawi a ni. Manipur sorkar hnenah hmeichhe vendor, hnathawk thei loa hun rei tak an awm avanga sum tam tak hlohte chu sum hmanga puihna ruahmanna siam turin a ngen a, women market pawh kaihhruaina fel tak hmanga hawnsak leh thuai turin a ngen bawk.