MSL Halftime Dance Battle chu zanin hian Final battle neih ṭan a ni dawn ta. Basketball match a hi Best of 3 a khelh tur anih angin, dance battle pawh hi vawi hnih an inhmachhawn dawn. Heng battle vawi hnih aṭang hian chak zawk thlan a ni ang a, 3rd match a lo ngai anih chuan special performance an nei tawh thung ang.

MSL Final Dance Battle-ah hian Riborn leh nikuma champion Nerds of War te an inhmachhawn dawn a, heng crew pahnih te hi an thiam dun hle a, semi final pawh khan an point a inthlau lo hle. An performance tihmuhnawm lehzual tur leh creative zawk zawnna turin, an l‚ma telh tur challenge pek an ni. Zanin bikah hian Mizo Theme hman niin, Nerds of War ten Chai L‚m an rawn telh a ngai dawn a, Riborn ten Chheih L‚m an rawn telh a ngai thung dawn a ni. An crew dance style nena inmil tawk tur leh hmuhnawm turin an rawn pho chhuak thei ang em tih hi thlir chakawm tawh tak a ni.

Zanin MSL Final hawng tur hian MSL Season 2-a crew 4 te a rualin an rawn l‚m dawn a, Mizo theme a nih angin, heng crew 4 te l‚mna tur music hi Mizo hla vekah a ni dawn a ni. MDC Creative Director Alan Rinawma choreograph niin, Mizo hlaah pawh tunlai leh nalh tak siin an rawn l‚m thei tih dancers ten an rawn hmuhtir dawn a ni.

Dance Crew te bakah hian TBL leh TKS Cheer Leaders te pawn mipui te mit titlai turin, show hmuhnawm tak rawn pho chhuah an tum bawk. MSL Final Dance Battle Round 2 hi ni 19 Thawhleh zanah neih a ni leh thung dawn a, heta an theme tur leh challenge te la puan chhuah tur a ni.