Drogba ṭanpuina an chhui

Chelsea forward chhuanvawr ṭhin Didier Drogba hian ṭanpuitu pawl, foundation a din a, hemi kaltlang hian Ivory Coast-a ṭanpui ngaite ṭanpuina tur sum ṭhahnem tak thawh chhuah a ni a, mahse sum hman danah thil fel lo tam tak awma a lan avangin chhui chian a ni.

Drogba ṭanpuitu pawl dinah hian milar te, lal chhungkua leh sumdawng hausa ten sum tam tak an thawh a, an sum thawh khawm hi £mtd 1.7 zet a tling a, chutihlai chuan a hman dan tur dik taka sum hman erawh chu £14,115 chauh a ni thung. He charity atana sum thawhtu langsarte chu Bono te, Frank Lampard te, David Beckham te, John Terry, Pele, Roman Abramovich te leh lal thisen kai, Princess Beatrice te an ni. Sum hi Ivory Coast-a naupang retheite zirna hmun tur leh a kaihhnawih atana hman tur a ni.

£mtd 1.7 zet sum an hmuhchhuah aṭang hian funraising party vel buatsaih nan £ 439,321 zet hman a ni a, a b‚ng zawng erawh bank account lamah a lut. Sum an thawh khawm mai bakah hian Pepsi, Nike leh Samsung te aṭangin sponsorship an hmu bawk a, Drogba chuan pawisa an hman bang zawng hi
ṭanpuina atana pek luh vek niin a sawi. Mahse sumte hian a thlenna tur hmun an thleng tak tak lo a nih hmel a, UK account-a chhui zui tur a awm loh avangin UK Charity Commission chuan an hmalakna hmunte thlir a, enchiang turin ruahmanna a siam a, an enchiang a, sum tam tak sÍnna ‚wm hmuh tur a awm lo.

Daily Mail-in a tarlan dan chuan sum tam tak hmuh chhuah aṭanga hman tak tak erawh chu zaa 0.8 chauh a ni. Charity pawl lamte chuan dam≠dawi in leh clinic panga sak tur angin an sawi a, mahse a tak takah chuan clinic pakhat chiah sak a ni a, staff pakhat mah an awm loh bakah, damdawia inenkawlna tur hmanrua engmah a awm lo bawk.

Didier Drogba Foundation, kum 2009-a din chuan he sum hman dik loh chungchangah hian engmah hriat an nei lo tih sawiin, Ivory Coast-ah hian pawl dang din a ni a, chumi enkawl leh thawh chhunzawm tur chuan engkim an dah niin an sawi.