Prime minister Narendra Modi chuan nimin, Ningani khan ni hnih chhung cham turin US a thleng. A cham chhung hian US president Donald Trump nen in kawmin, ram pahnihte thawhdunna leh hmalakna tur hrang hrang an sawi dun ang.

Modi hian Washington a thlen hnuah National Intelligence director Tulsi Gabbard nen an inkawm nghal a, a cham chhung hian hruaitu dang eng emaw zat hmuin Elon Musk pawh a kawm dawn nia sawi a ni. Elon Musk nen hian South Asian Market-a Starlink lak luh chungchangte an sawidun nia sawi a ni bawk.

Gabbard nena an inkawmnaah hian helpawl leh rawlrala che ṭhin te, cybersecurity leh buaina awm thut thei hrang hrangte hmachhawn nan a intelligence hmanṭangkai a nih theihna tur kawng hrang hrang an sawi dun.

Modi hi US presidential guest house, Blair House-ah a thleng a ni. Vawiinah hian White House-ah President Trump nen an inkawm dawn a, chhiah lak dan leh dan loa pem lut chungchangte bakah Indo-Pacific, Ukraine leh West Asia chungchangte pawh an sawidun ang. Meeting an neih zawh hian joint press conference an nei nghal ang a, zanah President Trump hian PM Modi pualin zanriah a buatsaih sak dawn bawk a ni.

Prime Minister hian US a pan hma hian France-ah AI Action Summit a hmang hmasa phawt a, ni hnih a cham hnuah US hi a pan a ni.