UPSC inkaihruaina thar ti chhuak

Union Public Service Commission (UPSC) chuan nimin, Ningani khan inkaihhruaina thar a ti chhuak. Union minister Jitendra Singh chuan heng kaihhruaina tharte hi Rajya Sabha-a zawhna te ziaka a chhannaah a tarlang a ni.

UPSC inkaihruaina tharah hian registration leh online application form te chu Detailed Application Form(DAF)-I leh DAF II te in thlak a ni. He kaihruaina thar tih chhuahin a tum ber chu candidate-te tana dilna rei tak buaipui ngai leh exam hun chhung rei lutuk tih tlem a nih thu Singh hian a sawi.

Minister chuan Civil Service Examination (CSE) te hi Union Public Service Commission(UPSC) hnuaiah kum tin CSE kaihhruaina hmangin Department of Personnel and Training-in hriattirna a tih chhuah thu leh exam-te huaihawt ṭhin a nih thu a sawi bawk.

Singh hian zawhna a chhanna dangah CSE hi UPSC in thawh thumin a buatsaih ṭhin a; preliminary, main leh inteview hmangin officer hrang hrang - Indian Administrative Service(IAS), Indian Foreign Service (IFS) leh Indian Police Service (IPS)-ahte lak ṭhin a nih thu a sawi. Medical science chu optional subject pakhat atan civil service (main) examination-ah dah tel tum a nih thu a tarlang bawk a ni.