Central Bureau of Investigation (CBI) officer-te chuan Kolkata-a hmeichhe doctor zirlai pakhat rawng taka pawngsual leh thah a nih chungchangah, R.G. Kar Medical College principal aṭanga bang ta, Sandip Ghosh chu nimin khan a zawnin a ni lina atan thu an zawtfiah leh.
Nimin zing khan CGO Complex-ah CBI city office-ah Ghosh hi koh leh a ni.
CBI-in ni thum chhung Dr Ghost thu an zawh tawha an thu zawh ṭhenkhatte chu -
1. Engvangin nge mahni intihlum tih anga puan a nih hmasak?
2, Amah doctor a ni a, pawikhawihna thlenna hmun vawn him chu pawimawh a ti lo em ni?
3. Tu thurawnin nge mitthi chhungte information pek a ni a, thu dik tak hrilh an nih loh?
4. Evidence tihchhiat pawizia hrechiangtu a ni a, a chhui hna zawh hmain eng vangin nge a venhim loh?
5. Darkar tam tak hnuah doctor chhungte hriattir an nih chauh chhan?
6. A chhungte hnenah a ruang entir a nih mai loh chhan?
7. Hospital security arrangement eng angin nge siam a nih?
8. Engvangin nge pawikhawihna a thlen hnuah a ban nghal mai? Engnge a banna chhan?
Officer-te chuan Dr Ghosh hian an duhthusam ang chhanna a pek theih loh avangin nimin khan an ko nawn leh tih an sawi a ni.
Dr Ghosh hi tualthahna a thlen aṭanga ni hnih hnuah R.G. Kar Medical College principal a nihna aṭangin a bang a ni. Ruang hmuhna, seminar hall bula room dangte chu tualṭhatna thlen hnu lawk hian a chei ṭhat tir nghal nia sawi a ni bawk.
CBI chuan Dr Ghost call record leh chat pawh an chhui chiang meka, August 9-a pawikhawihna a thlen hma leh a hnua a phone call kimchang pawh pe turin an ti a, service provider aṭangin a call record leh data hman zat kimchang pawh lak an tum bawk.
Supreme Court-in vawiinah ngaihtuah dawn
Supreme Court chaun RG Kar Hospital-a doctor pawngsual leh thah a nih chungchanga suo motu case a siam vawiinah hearing a nei dawn.
Chief justice of India DY Chandrachud kaihhruai bench chuan he case hi a ngaihtuah dawn a, bench-ah hian justice - BJ Pardiwala leh Manoj Misra an tel. A case thupuiah hian "In Re : Alleged Rape and Murder of Trainee Doctor in RG Kar Medical College Hospital, Kolkata and related issues" tih a ni.
