Afghanistan khawpui Kabul-a inneihna hmunah nimin khan thihchilh bomb a puak a, mi 63 thiin mi dang 180 an hliam.

Inneih 'ceremony' laiin thihchilh bomb hi tihpuah a ni. Bomb puahna hi khawpui thlanglam Shia Muslim tamna hmun a ni a, Taliban-te chuan an tih a nih loh thu thuchhuah an siam nghal. Eng pawl mahin an tih a nih thu an la sawi lo thung.

Sunni Muslim firfiak pawl- Taliban leh Islamic State group-te hian ṭum eng emaw zat chu Afghanistan leh Pakis­tan-a Shia Hazara minority-te hi an bei tawh ṭhin a, hemi a nih avang hian nimin bomb puakah hian rinhleh pawh an hlawh hle. Afghan interior ministry chuan bomb puak chu an dem thu an sawi nghal bawk a ni.