Argentina minister Dujovne a bang

Argentina finance minister Nicolas Dujovne chuan Inrinni khan president Mauricio Macri hnenah banna a thehlut.

Nicolas Dujovne hian a banna lehkhaah hian an ram dinhmun en chuan thuneitute hian eco­momic area-ah intuaithar an ngai nasa hle tih a ziak.

Argentina hi Pathianni hmasaa primary election an neihah beisei loh taka Alberto Fernandez-a'n Marci a hneh hnuah khan economic lamah buaina an hmachhawn chhunzawm nghal nghal a ni. Hei hian national stock market- Argentine peso hlutna nasa takin a tihniam a, Wall Street-a Argentine company-te share pawh a hniam thut bawk.

Hemi a nih avang hian Nilaini khan Macri hian an buaina sutkianna atan hian minimum wage hlutna chhut ṭhat te, sum­dawnna tenau zawka chhiah lak tihkhawtlai leh hnathawk mi maktaduai hnih chuang zet chhiah pek tihhniamna turte a chhawpchhuak a ni. Mahse hei hi Dujovne hian a thlawp ve lo a, Inrinni khan a banna thu hi a thehlut zui a ni.