Putin-a'n pilot pahnih chawimawina hlan

Russia President Vladimir Putin chuan kar kal ta Zirtawpni khan an ram pilot pa­hnih, thlawh­theihna chesual tura mi nunna tam tak chhan­chhuaktute chu, huaisen leh ram tana pasalṭha nih­na chawimawina a hlan. Ural Airlines Airbus 321 chu Ningani khan engine fail vangin an thlawh laiin harsatna an tawk a, Moscow bula buh hmunah rem leh rem loin an ṭum thei ta hram a ni. Vanneihthlak takin thi erawh an awm lo.

Thlawhtheihna cap­tain Damir Yusupov leh co-pilot Georgy Murzin-te chu 'Hero of Russia' chawimawina pek an ni a, flight attendant pangate chu 'Order of Courage' hlan an ni bawk. Thlawhtheihna hi Moscow Zhukovsky In­ternational Airport aṭang Simferopol Crimea a ṭum tur a ni a, mahse van­duaina an tawh avangin an tum ram an thleng hman lo. Ural Air­lines Airbus 321-ah hian passenger 233-an chuang a, he chetsualnaah hian passenger 70 chuang­­in hliam an tuar a, thi erawh an awm lo. Russian Ministry of Transport tarlan danin, thlawhtheihna engine ding­lam chu sava in a sut vangin a kang a, hei hian chetsualna a thlen a ni, an ti.