China chuan Hong Kong sorkar laka lungawi lohna lantira nawrh huaihawt mekte a vau a, na taka chhanlet an nih tur thu a sawi. 

Hong Kong-ah hian hun eng emaw chen nawrh huaihawt a ni tawh a, nawrh huaihawtna hmunah pawh tharum thawhna a thleng fo tawh a ni. China chuan tharum thawhna chhuakah hian China dodaltute an inrawlh tih a sawi. 

Thawhṭanni khan Hong Kong chief executive Carrie Lam chuan nawrh huaihawtte chetdan chu a hlauhawm chho ṭan tih a sawi a, activist-te chuan an lungawi lohna lanchhuah tirna chhuanlam atan extradition bill an hmang tih a 

sawi bawk. 

Nawrh huaihawt hi Hong Kong sorkarin thiam loh a chantir tawhte, mainland China-a thawn phalsak an nih theihna tur, extradition bill siam a rawt avanga chhuak a ni. Mipuiten he bill siam tum hi na tak a dodal a, lungawi lohna an lantir chhunzawm avangin Carrie Lam chuan bill kalpui tum chu sût a nih thu a puang leh a ni. Mahse hetichung hian nawrh hi titawp loin, kawng danga sorkar laka an lungawi lohna lantirna atana hmangin an chhunzawm reng a, China thlawp Lam-i leh a kaihhruai sorkar chu bang turin an phut a ni.