NKorea-in missile kapchhuak leh

North Korea chuan kar hnih chhunga a ṭum lina atan missile pahnih an kapchhuak leh tih South Korea military-te chuan an sawi.

An missile kahchhuah hi eng missile nge a nih tih erawh an hre lo a, South Hwanghae province aṭanga kapchhuakin khawchhak lam tuipuiah a tla tih an sawi a ni.

Thawhṭanni aṭang khan US leh South Korea-te hian joint military drill an neih ṭhin chu an ṭan leh tawh a, NKorea hian hemi duh lo hian missile hi an kapchhuak leh a nih rin a ni bawk. A hma aṭangin US-SKorea joint military drill neih hi NKorea lam chuan a lo sawisel fo tawh a ni. 

NKorea chuan US president Donald Trump leh SKorea president Moon Jae-in-te chuan inremna an siam an palzut niin an puh. US leh SKorea hian Thawhṭanni khan joint military drill hi nei ṭan mah se an drill pui ber erawh August 11 hian an ṭan dawn chauh thung.