US immigration policy dodal

California environmental group-te chu Thawhṭanni khan California-a U.S. Immigration and Customs Enforcement (ICE) headquarters kawtah pungkhawmin, US immigration policy duh lohna an lantir.

Climate Justice press liason Margaret Rossoff chuan, "US-a rawn pemlut tam zawk chu ṭam avang te, sik leh sa inthlak avang te leh tuilian avangtein a ni tlangpui. Heng mite hi US chuan a lo pui tur a nih laiin an tan harsatna a siamsak zawk thung," tiin a sawi. Sik leh sa inthlak danglam nasa avangin mi tam tak ramdanga pem leh raltlana an awm a ngaih phah a, hetianga boruak inthlak danglam nasat chhanah hian US chu mawhphurtu zingah a tel a ni, a ti.

Heti chung hian pem luh tumte tan kawng a hawng duh lo tih a sawi bawk. US immigration policy kalpui mek chuan naupang te pawh zuah loin jail-ahte pawh a tan tir a, an chhungte nen a ṭhen hrang a ni, a ti bawk. Sik leh sa inthlak avang leh tuilian avangtein khawvel hmun hrang hrang aṭangin US-ah hian mi mangangte an rawn pem lut a, hei vang tak hian climate justice leh migrant justice hi kan kalpui dik tur a ni, tiin No Coal in Oakland member Steve Masover chuan a sawi a ni.