China chuan US Navy-te el turin kum 2035-ah aircraft carrier paruk siam a tum a, heng zinga pali chu nuclear power an ni ang. 

China hian a sipaite thuam chakna turin hma a la mek a, a hmalakna tur zingah hian aircraft carrier tam zawka thuam pawh hi a tel a ni. Tunah hian aircraft carrier hi pakhat a nei mek a ni. An ram carrier an siam hmasak ber, Type 001A chu enchhin a ni tawh bawk. 

Aircraft carrier siam thar tur hi electromagnetic catapult-a thuam tur niin, he hi US Navy-ten an hman ang a ni tih expert-te chuan an sawi. President Xi Jinping chuan an ram sipai, People's Liberation Army (PLA)-te chu thuam changkan a, kum 2050-ah chuan khawvela top-ranked fighting force-a siam turin a ti a ni.