Japan Deputy PM-in hmeichhe fa nei lote dem

Japan Deputy Prime Minister Taro Aso chuan an ram mipui zat tlakhniam zelna chhana mawhphurtuah hmeichhia fa neilote a mawhpuh a, a thusawi hian sawi zui a hlawh hle. 

Taro Aso chuan an ram mihring punna tlakhniam chhanah kum upa zawkte leh social security senso sang lutuk an puh chu a dik lo tih sawiin, an harsatna bul ber chu hmeichhe fa nei lote vang a ni, a ti. A thusawi avang hian eptute chuan budget committee session-ah na takin an sawisel a, Aso chuan a thusawi awmzia chu an hrethiam thei lo a nih chuan a sut leh tur thu a sawi. 

Japan hi kum upa lam tamna ram niin, an ram mipui zat aṭanga 20% tam chu kum 65 chunglam an ni a, kum 1970 chho aṭang khan ram mipui zat hi a tlahniam zel a ni. Kum 2017 khan Japan ramah hian naupiang thar 950,000 an awm laiin thi zat hi maktaduai 1.3 zet an awm thung.