Assam journalist lar, Arnab Goswami lakah Patiala court chuan Delhi police-te chu FIR thehlut turin an hriattir. 

Congress hruaitu Shashi Tharoor chuan Republic TV editor-in-chief, Arnab Goswami lakah hian complaint a thehlut a, hemi avang hian Patiala court chuan FIR hi thehlut turin police-te hi an hriattir a ni.

Shashi Tharoor hian a com­plaint thehluhah hian a nupui thi ta Sunanda Pushkar thihdan chungchangah police-te record nena kaihhnawih confidential document ṭhenkhat chu Goswami hian a nei niin a sawi a, Tharoor chuan an chhuichianna report chu vantlang emaw media mite hnena hrilh phal a nih loh thu a sawi.

Tharoor chuan Goswami news channel chuan entu an ngah theih nan amah sawiselna, khin let theih thil an sawi tih a sawi bawk.

Republic TV chu Tharoor-a email-ah a phalna la loa lutah puh an ni bawk a, Tharoor chuan police hnenah pawh a complaint a, mahse police-te chuan hma lakna an la nei lo niin a sawi a ni.

Metropolitan Magistrate, Dharmender Singh chuan Delhi police-te chu FIR ziaklut turin a hriattir nia tarlan a ni bawk.