Garo Hills-ah ralthuam nei misual rual che 5 hliam, Rs. nuai 2.5 laksak

Meghalaya-a Garo Hills-a Rongchandalgre thingtlang khuaah Thawhṭanni zanah khan misual rual chu ralthuam nen che lehin, mi panga in hliam an tuar a, cheng nuai 2.5 an laksak bawk niin an tarlang.

Rongchandalgre hi West Garo Hills-a Phulbari PS huamchhunga awm niin, misualte hi Thawhṭanni zanlaiah khan an che a, load shedding lai chu remchangah la in chet hi an la nia sawi a ni. Hliam tuar zinga pathum hi hmeichhia an nih thu tarlan a ni bawk.

Hliam zinga pahnih chu an dinhmun a ṭha lo hle nia tarlan niin, rod leh tiang hmanga vuak an nih thu an sawi a, hmeichhe hliam tuarte erawh ngaihtuahawm an ni lo thung.

Misualte hi scorpio motor hmanga kal an nih thu sawiin, pawi an khawihna inah hian tihluihna in an lut a, inchhunga awmte chu kut thlak nghalin pawisa pawh an laksak a ni. Misualte chetna in hi kawngpui hnaih takah a awm nia sawi a ni bawk.

Misualte hian silai an keng nia tarlan a ni bawk a, in neitupa ber Rajen hian a arecanut plantation chu cheng nuai thum in tunhnai khan a hralh a, misualte hian hei hi an bitum nghal nia rin a ni.

Superintendent of police, West Garo Hills, Dr MGR Kumar chuan an chhuichiang mek tih a sawi bawk.